Ola. Retomamos con cariño o curso neste comezo de ano e seguimos co tema de audio.
Logo de resolver convenientemente o traballo sobre os  formatos máis usuais, imos practicar cun editor de son , o audacity. Para iso efectuaredes unhas prácticas que  me mandaredes por correo en formato mp3
Tedes axuda nesta ligazón
 

Práctica 1

Gravar a túa voz: “Coido que non vou aprobar informática. Estou triste”

Mandarma como práctica “desesperad@”

Práctica 2

Cortar o “non” e poñelo para que quede “...Non estou triste”

Mandarma como “esperanzad@”

Práctica 3

Recitar e gravar un poema (mínimo 10 versos).

http://sondepoetas.blogspot.com.es/

Mandarmo como “poema”

Práctica 4

Colle un tema musical instrumental acaído para o poema (aconsellable Milladoiro, Paco Barreiro,...)

Mandarmo como “instrumental”

Práctica 5

Crea un documento co poema e a música en pistas separadas

Traballa o proxecto con distintas ferramentas ( envolvente, amplificar,...) antes de enviarmo co título “poema con música”

Atención: non te desfagas do documento .aup por se tes que reelaboralo

Práctica 6

Para que serven as seguintes ferramentas:

Fade in

Fade out

Cambiar a velocidade

Cambiar o tempo

Eco

Wah-wah

Mándamo como “efectos” nun documento de texto

Práctica 7

O obxectivo é facerdes unha cuña publicitaria . Podes escoller entre os seguintes temas:

Un anuncio para unha campaña que promova o abandono e prevención do tabaco.

Un anuncio para unha campaña de prevención da violencia de xénero.

Un anuncio para unha campaña para a prevención do acoso escolar.

A cuña ten que ter un tempo mínimo de 20 segundos e un máximo de 30.

1.Debes seleccionar a túa canción e abrila con Audacity.

2.Redacta por escrito nunha folla aparte o texto que vas usar para a cuña.

3.Grava o audio coa túa voz para a música . Se sobra música, recorta o tramo final da pista en cuestión para que a duración da cuña se axuste ao solicitado.

4.Cando se reproduza ouvirase o audio e a música de fondo. Se fai falta baixa o nivel do audio da música e sobe o da túa voz coa opción Amplificar

5.Cando entre a túa voz debe baixar o volume da música automaticamente

con axuda da ferramenta envolvente e ao acabar a voz debe volver subir o volume da música.

6.Ao final debe diminuír de forma progresiva o tramo final de música

Mandádemo como “cuña”

Lecturas de informática e tecnoloxía

Este curso queda a proposta de ler narrativa que xira arredor da ciencia e a tecnoloxía como unha actividade complementaria ás aulas de informática e tecnoloxía. Animádevos  ler algunha das obras da listaxe de abaixo e facede algún comentario no blog...!!!

Informática

Frabetti, Carlo: El gran juego, Alfaguara, Serie Roja, Madrid, 1998 (Premio Jaén deNarrativa Infantil y Juvenil 1998). 
Lluch, Gemma: el-juego.com, Algar (Algar joven), Alzira, 2004.
Millán, José Antonio: Base y el generador misterioso. Una aventura digital, Siruela, Las Tres Edades, Madrid, 2002.Ilustraciones de Arnal Ballester.

Tecnoloxía

Isaac Asimov: Robbie y otros relatos (Barcelona: Vicens Vives, 2000)
 Isaac Asimov: Amigos robots (Barcelona: Vicens Vives, 1999) 
2044 (editorial galaxia) 
A teoría do tempo imaxinario (editorial galaxia)
La invención de Hugo Cabret (ed. SM) 
Historia de un forro polar rojo (ed. Siruela)
Spam (relatos)- Francisco Castro 
La cuarta señal - José Carlos Somoza
Ready Player One - Ernest Cline 
Los tecnólogos - Mathew Pearl 
O xogo de Énder (Urco editora)

Pasar a formato pdf a outros e viceversa.

Moitas veces, e entrando no marxe do legal, a necesidad de adquirir libros pra os nosos Kindle faise visible, máis na rede escasean os libros no formato que o noso aparello precisa, mobi ou Epub. Se non é nestes formatos o Kindle non podrá ler os libros descargados, e existen unha serie de pasos co que podremos facer  que eses arquivos inprocesables polo noso dispositivo convértanse no libro que tanto queremos ler.
.
.
.
.

Nesta entrada aprenderemos a mudar distintos formatos de documento de texto.
Concretamente de pdf. a mobi. (Para poder gardar arquivos no teu dispositivo Kindle e poder lelos.)

1.Conséguese o arquivo PDF que queiramos pasar. Descargámolo e témolo a vista no escritorio.

2.Existen distintos aplicativos que se poden baixar de forma gratuita ao teu PC
con que podes facer, non so ese cambio, si non a outros diferentes formatos de documento de texto (epub, etc)

3.En google entramos na páxina  http://ebook.online-convert.com/es/convertir-a-mobi e alí cargamos o arquivo que queremos pasar.

4.Seguimos os pasos dados pola páxina e xa temos o noso arquivos Mobi.

Enlace para matemáticas de 1º ESO

Máquina de ciclo fixo

Logo de rematardes cos circuítos domésticos imos comezar a deseñar unha máquina de ciclo fixo (4º ESO). Ilustrámolo cunha imaxe  de exemplo, mais  podedes crear as variantes que vexades. O obxectivo é que unha bola percorra un circuito pechado ininterrumpidamente. Propoño ter a parte mecánica para esta primeira avaliación; pensade que cómpre prever como vai ser o control por se afecta na parte construtiva desta avaliación
Sorte.

Proxecto 3º ESO 1ª avaliación curso 2014-15

PROXECTO TREN DE FEIRA
 Deseñar e construír unha atracción de feira do tren do terror, ou infantil, que cumpra as seguintes condicións:
O tren moverase por unha vía. A locomotora terá tres ou catro  rodas. De ter tres, a dianteira irá entre os raíles, facendo tope e dirixíndoa.Levará un motor con redutora que collerá a tensión dunhas pistas que poden coincidir coas vías

Os vagóns faranse de materiais lixeiros, como cartón e contrachapado de 3mm. Ha de ter dous vagóns mínimo.

 O traxecto disporá dun túnel por onde pasará o tren e o traxecto deberá pasar por algunha ponte feita con estruturas trianguladas con pauciños

O túnel terá un semáforo que, de estar en vermello, parará automaticamente o tren na entrada do túnel. O túnel terá unha iluminación que se acenderá cando vaia entrar o tren e durante todo o seu paso polo túnel

Haberá dous mecanismos para asustar ou sorprender aos pasaxeiros:
Un na saída da caseta , onde aparecerá un boneco ao mover unha panca
O outro queda á vosa elección; debe ser  totalmente diferente ao anterior.

Terá un interruptor de toda a atracción

Valorarase a creatividade e orixinalidade

Debedes  presentar un proxecto inicial






MEMORIA DO PROXECTO
Debe incluír as seguintes partes, realizando co procesador de textos todo o que se poida e usando o formato indicado para o traballo de investigación.

PORTADA: Nome do proxecto, debuxo representativo ou fotografía e nome dos autores da memoria.
ÍNDICE (cos apartados e páxinas numeradas).
1. MEMORIA
1.1. Memoria descritiva
Breve descrición do proxecto, indicando a súa forma, cor, funcionamento e materiais dos cales esta feito.
1.2 Elección da solución
Incluíndo o cadro que se utilizou para elixir a solución máis apropiada e cal foi a que se elixiu finalmente e porqué.
1.3. Memoria construtiva.
a) Breve descrición da organización e pasos seguidos ordenados para a súa construción na aula taller.
b) Listado de materiais.
c) Listado de ferramentas.
d) Compoñentes do grupo e responsables.
2. PLANOS
a) Plano 1: bosquexos individuais. Cada un debe levar o nome e apelidos do autor e debe incluír os materiais e o mecanismo a utilizar.
b) Plano 2: Esbozo (mínimo 2 vistas).
c) Plano 3: Despezamento (alzado e perfil ou planta de cada unha das pezas que haxa que realizar indicando o nome e cantidade).
d) Mecanismos: alzado, planta e funcionamento.
e) Circuítos eléctricos: esquemas eléctricos, funcionamento e programa de luces a tamaño real.
3. AVALIACIÓN
a) Problemas atopados.
b) Solucións adoptadas.
c) Traballo realizado por cada compoñente: explicade que parte do proxecto realizou cada un de vós e se houbo unha boa organización das tarefas dentro do equipo.
d) Valoración critica persoal. Expresade cada un dos compoñentes do grupo a vosa opinión sobre o proxecto (dificultade, se estades satisfeitos co traballo realizado, se vos gustou ou non e porqué?.).

Data de entrega da memoria: primeiros de novembro
E do proxecto construído (tren ,vías, circuíto eléctrico): 12 decembro

Edición de video

Edición de video.(4º ESO)

Elabora unha curta de 4 minutos de duración (aproximadamente). O tema da curtametraxe estará relacionada con algún destes temas, mellor orientados á realidade do noso entorno (o lugar, a parroquia,...)

- A natureza.

- A industria.

- O cinema.

- O lecer.

- Os medios de transporte.

-A túa parroquia

-Arquitectura tradicional

-Outro que propoñades

Para iso:

Previo: familiarízate co openshot, o programa que imos utilizar. Podes facelo desde esta ligazón

1. Crea un cartafol:

Crea un cartafol co nome CURTA DE CINEMA.

2. Elabora un guión:

Elabora un pequeno guión co argumento, o material que vas utilizar para desenvolver a historia, os personaxes que interveñen, etc. Gárdao e mándao por correo

3. Selecciona os vídeos que vaias usar

Busca 3 ou 4 vídeos para a túa curta. Garda os vídeos seleccionados nun cartafol co nome VÍDEOS,

dentro do cartafol CURTA DE CINEMA.

4. Selecciona as fotografías:

Escolle 15 fotografías relacionadas co tema que escolliches. Gárdaas nun cartafol co nome FOTOGRAFÍAS, dentro do cartafol CURTA DE CINEMA.

5. Realiza a edición da curta:

Realiza a montaxe da curta intercalando os clips de vídeos e imaxes, engade títulos, música, voz, efectos, etc, dando un aspecto máis atractivo e profesional á presentación. Gárdao dentro do cartafol CURTA DE CINEMA.

6. Exposición:

Proxectaremos as curtas en clase. O xurado estará formado polo resto de compañeiros. Puntuaranse a creatividade, calidade, son,etc.

Para a sesión de titoría de hoxe, 8 de abril, imos dar uns consellos para tomar uns bos apuntamentos. Lede de vagar os contidos da ligazón e enchede o cadro que vos dou nunha folla Tomar apuntamentos

2ª avaliación informática

1. 2 pasatempos numéricos (10 puntos)
2. Actividade sobre o son (10 puntos)
3. Prácticas iniciais de audacity (obrigatorias polo menos 4) (10 puntos)
4. Última práctica (anuncio) (10 puntos) en parellas
5. Poemas Rosalía e Díaz Castro (5 puntos cada un) en parellas
6. BLOG
   1. No voso blog
      • Tres entradas polo menos no voso blog (2 puntos cada unha, ata 10)
        • -texto (obrigatorio poñer algunha reflexión ou comentario)
        • -imaxes
        • -videos inseridos
        • -enlaces
      • Lista de blogs de compañeiros
      • Lista de páxinas sobre o tema elixido (as máis visitadas por vós)
      • Habilitar comentarios de todos os compañeiros e do profesor
   2. Comentarios nos blogues dos compañeiros: (2 puntos cada un,ata10)
      • Debedes facer polo menos tres, en tres blogs distintos, identificándovos (para puntuar)

 

É obrigatorio sacar un 4 polo menos en cada un dos sete apartados . De non acadalo, tedes que recuperar a parte correspondente

Estamos perto do 14 de febreiro, e aínda que o amor (á parella, aos compañeiros e compañeiras, á humanidade , a toda a vida) nas súas innumerábeis manifestacións (o cariño , as apertas, os bicos, os soños compartidos,escoitar con atención, reparar as inxustizas, ...) debe estar presente a cotío, póñovos aquí esta curta que me arrincou un sorriso e un aquel de tenrura

Os metais.2ºESO 2013-14

Tedes aquí algúns enlaces de interés para as tarefas sobre metais
Propiedades dos materiais
Os metais
Presentación sobre os metais

ENLACES PARA O TEMA DA MADEIRA 2º eso 2013-14

INFORMACIÓNS XERAIS

https://sites.google.com/site/tecnologiadelamadera/ (moi completa)

http://es.wikipedia.org/wiki/Madera

http://html.rincondelvago.com/uso-de-la-madera.html

http://infomadera.net/empresa/producto/1090/info/15956
Libro electrónico sobre a madeira

QUE É, COMPOSICIÓN, ESTRUTURA E OBTENCIÓN:

http://html.rincondelvago.com/madera_8.html

http://html.rincondelvago.com/la-madera.html

http://www.revista-mm.com/rev53/procesos.pdf

PROPIEDADES:

http://personal5.iddeo.es/javiarias/mueble11.htm

http://www.lowes.com/lowes/lkn?action=noNavProcessor&p=spanish/Build/StrtWWood.html&sec=esp

http://www.infomadera.net/modulos/maderas.php

Propiedades dalgunhas madeiras duras

Propiedades dalgunhas madeira brandas

DEFECTOS:

http://www.bricopage.com/defectos.htm

http://html.rincondelvago.com/madera_2.html

http://webs.uvigo.es/jrperez/s-m-defectos.htm

TIPOS, DERIVADOS DA MADEIRA E PRESENTACIÓN COMERCIAL:
 http://www.bricopage.com/tiposmadera.htm

http://www.lowes.com/lowes/lkn?action=noNavProcessor&p=spanish/Build/StrtWWood.html&sec=esp

http://www.e-madera.com

http://www.uco.es/jardin-botanico/cd1/Maderas%20CITES/principal.htm

http://www.facildehacer.com/carpinteria/carpinteria_tipos_de_madera/

http://www.bricotodo.com/tipostableros.htm

http://www.woodmarket.com/spanish/products.asp

http://www.molduras-cristobal.com/lamadera/maderas/maderas.htm

http://gaf.utalca.cl/tematicos/silv_san.htm

http://web.usach.cl/~lab_made/MAderaLaminada1.htm

UNIÓNS EN MADEIRA. FERRAMENTAS PARA TRABALLAR A MADEIRA:

http://www.scribd.com/doc/78014101/ferramentas

http://www.bricopage.com/cherramientas.htm

http://html.rincondelvago.com/madera_2.html

http://www.madereros.com/ensambles/ensambles2.html

http://www.madereros.com/ensambles/ensambles3.html

http://www.madereros.com/ensambles/ensambles4.html

http://www.marcianitos.org/tutoriales/unionmaderas.htm

http://html.rincondelvago.com/adhesivos_1.html

http://www.virutex.es/es/index_es.htm

http://www.comercialpazos.com

http://www.ferreteriaortiz.es/store/
Todo sobre ferramentaspara a madeira

USOS E APLICACIÓNS.O traballo coa madeira

http://web.usach.cl/~lab_made/MAderaLaminada1.htm
 http://www.bricotodo.com/consejos.htm
 http://www.bricopage.com/carpinteria.htm

Lede a seguinte fábula.

Un día, a man esquerda dixo confidencialmente á man dereita: ? Mira, nós

traballamos todo o día mentres o estómago non fai nada .

As pernas escoitaron e dixeron: ? Tes razón, nós tamén estamos cansas camiñando todo o día para

comprarlle alimento ao estómago e el só dixire sen facer nada para conseguilo .

Aman dereita gritou: Fagamos folga. Non lle deamos comida ao estómago .

Entón falou o estómago: Amigos, vostedes están a pensar mal. Os nosos traballos e as nosas

aptitudes son moi diferentes, pero a verdade é que dependemos moitísimo os uns

dos outros .

Os brazos gritáronlle: Cala. Iso son os argumentos dun frouxo. Desde agora non vas comer absolutamente nada .

Pasaron uns días Ai, que débil me sinto! , dixo a man esquerda. Eu tamén, non sabes o cansa que estou

As pernas queixábanse: Nós apenas nos podemos mover

E todas as partes do corpo dicían o mesmo. Todos se sentían desfalecer. Entón o estómago falou:

eu tamén me sinto débil. Se nos alimentamos poderei traballar de novo e todos nos sentiremos mellor .

E as pernas con moita dificultade levaron o corpo á mesa. As mans cooperaron e levaron a comida á boca. Ao pouco as mans exclamaron: xa nos sentimos mellor . Todos as partes do corpo dicían o

mesmo e entón todos comprenderon que debían cooperar se querían conservarse con boa saúde.

E o estómago comprendeu que el depende do traballo de todos e que debe repartir por igual todo o que chegue a el.

Hai moitas partes e un só corpo. Cando un sofre todos sofren con el e cando un recibe atención, todos se alegran con el.

Que vos suxire a lectura do conto anterior respecto do voso funcionamento como grupo-clase?

A continuación, reflexiona e responde ás seguintes cuestións:

1. Cres que son necesarias unhas normas de convivencia? Por que?

2. Como vos gustarían que fosen as relacións entre vós/as?

3. Que obrigacións debedes manter para que a vosa aula sexa un espazo agradable?

4. Que responsabilidades ides asumir para que isto sexa así?

5. Como se resolverán os conflitos que poidan xurdir na vosa convivencia diaria?

6. Que cousas non podemos permitir que pasen

Castellanos de Castilla,
tratade ben ós galegos;
cando van, van como rosas;
cando vén, vén como negros.

Cando foi, iba sorrindo,
cando ven, viña morrendo;
a luciña dos meus ollos,
o amantiño do meu peito

Aquel máis que neve branco,
aquel de dozuras cheo,
aquel por quen eu vivía
e sen quen vivir non quero.

Foi a Castilla por pan
e saramagos lle deron;
déronlle fel por bebida.
peniñas por alimento.

Déronlle, en fin, canto amargo
ten a vida no seu seo…
¡Casteláns, casteláns,
tendes corazón de fero!

¡Ai!, no meu corazonciño
xa non pode haber contento,
que está de dolor ferido,
que está de loito cuberto.

Morreu aquel que eu quería
e para min non hai consolo:
so hai para min, Castilla,
a mala lei que che teño.

Permita Deus, casteláns,
casteláns que aborrezo,
que antes os galegos morran
que ir a pedirvos sustento.

Pois tan mal corazón tendes,
secos fillos do deserto,
que se amargo pan vos gañan,
dádesllo envolto en venero.

Aló van, malpocadiños,
todos de esperanzas cheos,
e volven, ¡ai!, sen ventura
cun caudal de desprezos.

Van probes e tornan probes,
van sans e tornan enfermos,
que anque eles son como rosas,
tratádelos como negros.

¡Casteláns de Castela,
tendes corazón de aceiro,
alma coma as penas dura,
e sen entrañas o peito!

En tros de palla sentados,
sen fundamentos, soberbios,
pensas que os nosos filliños
para servirvos naceron.

E nunca tan torpe idea,
tan criminal pensamento
coubo en máis fatuas cabezas
ni en máis fatuos sentimentos.

Que Castela e Casteláns,
todos nun montón, a eito,
non valen o que unha herbiña
destes nosos campos frescos.

Só pezoñosas charcas
detidas no ardente solo
tes, Castela, que humedezan
eses teus labios sedentos.

Que o mar deixoute esquecida
e lonxe de ti correron
as brandas augas que traen
de plantas sen sementeiros.

Nin árbores que dean sombra,
nin sombra que preste alento…
Chaira e sempre chaira,
deserto e sempre deserto…

Esto che tocou, coitada,
por herdanza no universo,
¡miserable fanfurriñeira!,
triste herdanza foi por certo.

En verdade non hai, Castela,
nada coma ti tan feo,
que aínda mellor que Castela
valera dicir inferno.

¿Por que aló fuches, meu ben?
¡Nunca tal houberas feito!
¡Trocar campiños floridos
por tristes campos sen rego!

¡Trocar tan claras fontiñas,
ríos tan murmuradores
por seco polbo que nunca
mollan as bágoas do ceo!

Mais, ¡ai!, de onda min te fuches
sen dó do meu sentimento,
e aló a vida che quitaron ,
aló a mortiña che deron.

Morriches, meu queridiño,
e para min non hai consolo,
que onde antes te vía, agora,
xa solo unta tomba vexo.

Triste como a mesma noite,
farto de dolor o peito,
pídolle a Deus que me mate,
porque xa vivir non quero.

Mais en tanto non me mata,
casteláns que aborrezo,
hei, para vergonza,
heivos de cantar xemendo:
¡Casteláns de Castela,
tratade ben ós galegos:
cando van, van como rosas;
cando vén, vén como negros!

Enlaces relacionados 

http://www.blogoteca.com/galegoxxi/index.php?cod=119885

O coltán

Arredor dos minerais ( e das materias primas en xeral) técese unha rede de intereses da que nos chega pouca información. Moitos conflitos, disfrazados de defensa das liberdades, ou de conflitos étnicos, agochan realmente intereses económicos polo control de recursos.
Informarnos por distintas fontes é un esforzo, un traballo que nos permite obter unha opinión máis libre para tomar decisións



Neste caso imos buscar información sobre un recurso mineral:
 O coltán
O coltán responde á abreviatura de dous minerais: a columbita (coñecida tamén como niobita ou ferrocolumbita) e a tantalita, minerais que contén este tipo de rocha. Destes minerais extráense dous metais de importancia vital na sociedade actual: o tántalo (Ta) e o niobio (Nb) ou columbio.









ACTIVIDADES
ACTIVIDADE 1: Que dous minerais se extraen do coltán?
ACTIVIDADE 2: Cales son os países produtores? E os consumidores?
ACTIVIDADE 3: Cales son as aplicacións de uso do coltán? Cita 4.
ACTIVIDADE 4: Cales son as propiedades do coltán?
ACTIVIDADE 5: Cal é o país que máis coltán posúe do mundo? Que % posúe?
ACTIVIDADE 6: Resume o conflito producido polo coltán.






TAREFAS
Pasos que se suxiren para levar a cabo a tarefa:
- Formar grupos de dous alumnos/as.
- Ao finalizar a clase terase que entregar por escrito unha folla de papel coa solución das tarefas propostas.
- Deben realizarse a man e en papel DIN A4. Coida a presentación, utiliza cores, deixa marxes, e enumera as follas.
- Para a realización das tarefas utilizade as ligazóns que se facilitan na pestana de enlaces.

Enlaces:

Coltán, o mineral que move o mundo

Enlace 2:

O coltán e as súas aplicacións

Enlace 3:

Que sabes do coltán?

Enlace 4:

Coltán, o mineral da morte

Enlace 5:

http://www.youtube.com/watch?gl=ES&v=NX8C-YSA2tY

Avaliación

A cooperación e participación activa do grupo de traballo.
A puntualidade e responsabilidade na presentación das tarefas.
A correcta resolución das tarefas.
Se o atopado é exactamente o que se preguntaba.
As respostas son claras, concisas e sábese explicar con detemento.

Actividade tirada de http://www.webquest.es/wq/coltan-tecnologia-y-sociedad#sthash.zIs1K4YQ.dpuf

A madeira 2º ESO 2013-14