A madeira. 2º eso 2014-15

A madeira. 2º eso 2014-15

Nesta ligazón temos os documentos que debemos traballar (2/3 días)

Seguidor de linha

Aquí temos en funcionamento  un dos  robotinhos que prepararon en 4º ESO no curso 2013-14

A lección do vello Mingos

Hai moitos anos, non me acorda cando nin en que libro de contos tradicionais galegos, lin este conto que vos ponho, que levo no corazón dende aquela. Non só é acaído ó tema da madeira, que imos estudar estes días; tamén invita a unha reflexión sobre o modelo económico de produción e consumo acelerados do que participamos ( e padecemos) na nosa sociedade, modelo no que só importa o gozo inmediato, o aquí e agora de cada individuo,...
Vai o conto:

A LECCION DO VELLO MINGOS

No cómaro de Lixambre, que está cara de levante, facía unha calor que acoraba. E, na media sombra dunha corredoira, estaba o vello Mingos facendo unha cova que tiña xa máis de vara e media de fondo.

- Santas e boas tardes!- saudouno don Reinaldo, o médico do concello, que apareceu por alí a cabalo dunha besta relucente e gorda.

- Amén, señor! -contestoulle o vello Mingos descubríndose.

- E pódese saber para que é esa cova? -interesouse don Reinaldo.

- Para plantar no seu tempo unha nogueira -respostoulle o vello Mingos.- 

 -Con setenta e cinco anos enriba das costas, poste a plantar agora unha nogueira? Ti non sabes que para cando dea noces esa nogueira ti non vas ter dentes nin moas para comelas?

- E que lIe habemos facer, don Reinaldo? O que levou toda a súa vida coma min, traballando, non se afai á folganza.
E se vostede me da licencia voulle facer unha pregunta. Foi vostede quen plantau a nogueira do Souto Pequeno, que lIe dá anadas coma en ningures?

- Eu non -respostoulle don Reinaldo- Foi meu avó.

- E seu avó probou as noces desa nogueira? -voltou a preguntar o vello Mingos.

- Non -dixo don Reinaldo--. Ata os netos, non dou froito.

- Pois xa ve, don Reinaldo, xa ve que estou facendo como fixo o seu avó, e non ten porque se rir de min .

O médico pediulle perdón ó vello Mingos e ata lIe agradeceu a lección que lIe acababa de dar, marchando avergonzado.

Proxecto Magallanes (enerxía das mareas)

Vén de sair na prensa destes días o desenvolvemento nunha empresa de Redondela dunha máquina para  obter enerxía eléctrica a partir das correntes  mariñas .

A novidade que aporta respecto as tecnoloxías que se viñan usando é que non precisa nin encoros nin estruturas  (piares no fondo mariño), xa que a plataforma aboia no mar, abaratando ademáis o prezo de instalación
Ligazón 1
 Ligazón 2

Máquinas sinxelas

Para practicar as pancas (Lara) e máquinas sinxelas

Edición de video.(4º ESO)

Elabora unha curta de 4 minutos de duración polo menos. O tema da curtametraxe estará relacionada con algún destes temas, orientados á realidade do noso entorno (o lugar, a parroquia,...)

- Contos populares
- Arquitectura tradicional
- Cantigas tradicionais
- A pedra
- A auga
-  A natureza (fauna, flora,...).

- A industria.

- O lecer (deporte,...).

- Camiños e pontes
-...

Para iso:

Previo: familiarízate co openshot, o programa que imos utilizar. Podes facelo desde esta ligazón

1. Crea un cartafol:

Crea un cartafol co nome CURTA DE CINEMA.

2. Elabora un guión:

Elabora un pequeno guión co argumento, o material que vas utilizar para desenvolver a historia, os personaxes que interveñen, etc. Gárdao e mándao por correo

3. Grava os vídeos que vaias usar

Prepara 3 ou 4 vídeos para a túa curta. Garda os vídeos seleccionados nun cartafol co nome VÍDEOS,

dentro do cartafol CURTA DE CINEMA.

4. Selecciona as fotografías:

Prepara 15 fotografías polo menos relacionadas co tema que escolliches. Gárdaas nun cartafol co nome FOTOGRAFÍAS, dentro do cartafol CURTA DE CINEMA.

5. Realiza a edición da curta:

Realiza a montaxe da curta intercalando os clips de vídeos e imaxes, engade títulos, música, voz, efectos, etc, dando un aspecto máis atractivo e profesional á presentación. Gárdao dentro do cartafol CURTA DE CINEMA.

6. Exposición:

Proxectaremos as curtas en clase. O xurado estará formado polo resto de compañeiros. Puntuaranse a creatividade, calidade, son,etc.

Prácticas audiovisual

http://www.faceyourmanga.com/

Feito en notegraphy

Feito en Tagul

http://vocaroo.com/i/s1F7jQRJuRRQ

                                              



https://www.smore.com/vw8g2