Máis xogos de multiplicar

        ENERXÍAS RENOVABLES 4ºESO

1. As enerxías renovábeis non producen emisións de CO2 e outros gases contaminantes á atmosfera
2. As enerxías renovábeis non xeran residuos de difícil tratamento
3. As enerxías renovábeis son inesgotábeis
4. As enerxías renovábeis son autóctonas e evitan a dependencia exterior
5. As enerxías renovábeis crean cinco veces máis postos de traballo que as convencionais
6. As enerxías renovábeis contribúen ó equilibrio interterritorial porque poden instalarse en zonas rurais
7. As enerxías renovábeis permitiron que desenvolveramos tecnoloxías propias
   
   
   Facedes grupos de catro alumnos-as e preparades un cartaz para imprimir (texto e imaxes; A3) para cada un dos sete  puntos indicados. 
   Valorarei a claridade na organización e na exposición da información (evitar copiar e colar)
   Podedes revisar os enlaces que aparecen noutras entradas sobre enerxía, buscar información pola vosa conta ou probar con algunha das que vos vou poñendo aquí
   http://www.solarweb.net/directorio/c/15/empresas-energia-solar-galicia-p1.html 
   http://www.usc.es/econo/RGE/Vol19_1/castelan/art5c.pdf 
   As enerxías renovables en Galicia (cursoblogadministrador05)
   Cooperativas e enerxías renovábeis 

Se queremos inserir dentro dunha entrada un código HTML para poder copialo cando faga falta, podemos recorrer a un sitio como Blogcrowds no cal só debemos pegar o código que desexamos mostrar, presionamos procesar e devólvenos o código que debemos colar na entrada.

Inserir Flash no blog (arquivos SWF) é relativamente sinxelo. Para incluír SWF no noso blog, debemos copiar o código que vén a continuación no apartado de HTML da nosa noticia do blog , substituíndo nos dous lugares onde pon: DIRECCIÓN DO SWF pola dirección onde se atopa o arquivo:

 <object id="movie" type="application/x-shockwave-flash" data="DIRECCION DO SWF" width="500" height="400"><param name="movie" value="DIRECCION DO SWF"><param name="wmode" value="transparent"></object>

Motores de combustión interna (4º ESO)

Introdución:

A calor pode aproveitarse para producir unha tarefa útil: mover unha máquina, arrefriar ou quentar alimentos... As máquinas térmicas comezaron a usarse masivamente tras a revolución industrial (século XVIII) e agora son imprescindibles na nosa vida diaria.

A pesar do seu baixo rendemento (O rendemento dun motor de combustión interna está entre o 20% e o 30% dun motor de gasolina tipo Otto, e do 30% ao 45% dun motor Diésel), unha das máquinas térmicas amplamente utilizada na vida cotiá é o motor de combustión interna, motores térmicos que utilizan a enerxía química almacenada nun combustible que ao queimarse se transforma en enerxía térmica. Unha parte desa enerxía térmica ou calor xerada é empregada en quentar o gas resultante da combustión, o que fará que se expanda rapidamente e sexa capaz de causar o movemento dun mecanismo que transformará e transmitirá ese movemento (enerxía mecánica)

Tarefa:

Realizaremos unha tarefa de investigación sobre distintos tipos de motores de combustión interna

Proceso:

Dividímonos en grupos de 2 alumnos para realizar os traballos. Cada grupo elixirá un dos motores de combustión interna da listaxe

- Otto de 2 tempos

- Otto de 4 tempos

- Diésel de 2 tempos

- Diésel de 4 tempos

- Wankel

- A reacción: turbohélice

- A reacción: turborreactor

- A reacción: turbofan

Realizarase unha presentación con texto, esquemas, ilustracións e vídeos que contemplen os apartados especificados no seguinte guión:

Partes compoñentes.

Funcionamento.

Combustible utilizado.

Vantaxes e inconvenientes.

Aplicacións.

O traballo elaborado remitirase por correo electrónico ao profesor en formato dixital como arquivo adxunto. O último día cada grupo exporá ao resto da clase a presentación feita, de maneira que entre todos coñezamos os distintos tipos, o funcionamento e as partes destes motores de combustión interna.

Recursos:

De maneira xeral nas webs:

• http://www.asifunciona.com/mecanica/af_motor_gasolina/af_motor_gasolina_2.htm
  Se elixistes o motor de combustión interna Otto de 2 tempos:

• http://es.wikipedia.org/wiki/Motor_de_dos_tiempos

Se elixistes o motor de combustión interna Otto de 4 tempos:

• http://es.wikipedia.org/wiki/Ciclo_de_cuatro_tiempos

Se elixistes o motor de combustión interna Diésel de 2 tempos:

• http://es.youtube.com/watch?v=Rah3juUu1_8

Se elixistes o motor de combustión interna Diésel de 4 tempos:

• http://es.wikipedia.org/wiki/Motor_de_combustión_interna#Motores_di.C3.A9sel
• http://es.youtube.com/watch?v=lQgDxjXy7SQ&feature=related
  

Se elixistes o motor de combustión interna Wankel:

• http://es.wikipedia.org/wiki/Motor_Wankel

Se elixistes o motor de reacción turbofan:

• http://es.wikipedia.org/wiki/Turbofan
• http://www.grc.nasa.gov/WWW/K-12/airplane/aturbf.html

Se elixistes o motor de reacción turbohélice:

• http://www.grc.nasa.gov/WWW/K-12/airplane/aturbp.html
• http://es.wikipedia.org/wiki/Motor_de_aviacion
  

Se elixistes o motor de reacción turborreactor:

• http://es.wikipedia.org/wiki/Turborreactor
• http://es.wikipedia.org/wiki/Motor_de_aviacion
  

Avaliación:

O documento realizado suporá un 70% do total da nota do exercicio. Valorarase a orde e a claridade dos contidos, así como o grao de información recompilado.

O outro 30% da nota da actividade será da presentación en clase. Recoméndase resumir todo o consultado para citar só os conceptos imprescindibles que fagan que os vosos compañeiros comprendan o funcionamento dese motor. Valorarase tamén a coordinación do grupo durante a exposición.

ENERXÍAS RENOVABLES 3º

INTRODUCIÓN

A enerxía é a forza vital da nosa sociedade. Dela dependen a iluminación de interiores e exteriores, o quecemento e refrixeración das nosas casas, o transporte de persoas e mercadorías, a obtención de alimento e a súa preparación, o funcionamento das fábricas, etc.

O consumo enerxético incrementouse nos últimos cen anos, á vez que o facían os conflitos por apropiarse dos recursos . A consecuencia xa a coñecemos: guerras e inxustizas, esgotamento dos recursos fósiles (carbón e petróleo), contaminación das augas, da terra e do aire,...

Todos estes aspectos  fan necesario reformularse a situación actual e usar fontes de enerxía locais, accesibles para todo o mundo e que respecten o medio. E agora imos coñecelas un pouco mellor coas seguintes tarefas

TAREFA

A tarefa a realizar é un traballo de investigación sobre cada unha das enerxías renovables, elaborando un proxecto escrito e unha presentación en clase. Todos os traballos deberán ter, como mínimo, os seguintes puntos desenvolvidos:

- Xeneralidades da enerxía alternativa

· Que é?

· Que a produce?

· Observacións

- Descrición do proceso de transformación de enerxía primaria a electricidade

· Luz solar ? Electricidade

· Vento ? Electricidade

· Salto de auga ? Electricidade

· Residuos (RSU e FORSU) ? Electricidade

· Cereais e outros produtos ? Biocombustibles
.Correntes marinhas e mareas? Electricidade

- Lugares de transformación. Descrición e estudo. Modelos

· Paneis solares fotovoltaicos

· Aeroxeradores

· Centrais Hidroeléctricas. Turbinas

· Centrais de biomasa

· Centrais de produción de biocombustibles...

- Posibilidades de abastecemento coa enerxía alternativa elixida

- Potencial de aproveitamento en Galicia e España. Centros de produción

· Xa instalados (centrais hidráulicas, parques eólicos, hortas solares...)

· Por instalar

- Comparación coas enerxías non renovables (carbón, petróleo, gas natural, uranio ). Vantaxes e inconvenientes de usar enerxías renovables ou non renovables.

- Conclusións.

- Opinión persoal, son as enerxías renovables o futuro?

PROCESO

1) Constitución do grupo: Organización en grupos de tres alumnos.

2) Repartición de tarefas: Cada alumno farase cargo de buscar información sobre un terzo das cuestións indicadas en TAREFA para cada grupo. A presentación farase de maneira conxunta, tanto a de clase como as ferramentas de apoio á presentación

3) Procura de información: Cada membro do grupo buscará a información das cuestións que lle foron asignadas na web, bibliografía... Esta información irá sendo recollida de forma ordenada para a súa posterior elaboración.

4) Posta en común dos resultados da procura: O tres membros do grupo exporán aos seus compañeiros os resultados da súa procura particular, decidindo de maneira conxunta que información (tanto gráfica como textual) pasa a formar parte do traballo e cal se desbota.

5) Confección final do traballo: Seguindo o guión indicado na TAREFA, confeccionarase o proxecto escrito. Como se dixo anteriormente, a presentación en clase realizarase de forma conxunta polo tres alumnos de cada grupo.

RECURSOS

- Enciclopedias convencionais e multimedia (exemplo: Wikipedia).

- Bibliografía e documentación escrita da biblioteca e departamentos (relacionados coa temática do traballo) do propio centro.

- Buscadores e metabuscadores de internet. Algúns exemplos:

· http://www.google.es/

· http://www.buscamultiple.com/

· Moitos máis exemplos buscando en rede buscadores e metabuscadores.

- Páxinas web interesantes. Algúns links que vos poden axudar:

· www.idae.es/ Instituto para a Diversificación e Aforro de Enerxía. España.

· www.renewablepowers.blogspot.com/ Blog sobre Enerxías Renovables

· http://www.energias-renovables.com/ O xornalismo das enerxías limpas

· www.erenovable.com/
. http://www.ecoticias.com/
. http://www.unesa.net/unesa/html/sabereinvestigar/largoviaje/huellaecologica.htm

sobre electricidade no estado español (produción, transporte, pegada ecolóxica,...)
. http://www.idae.es/, enerxías renovables e eficiencia enerxética
. http://www.unesa.net/unesa/html/sabereinvestigar/esquemas/esquemas.htm, funcionamento das distintas centrais eléctricas

AVALIACIÓN

A avaliación realizarase en función dos seguintes criterios:

- Profundización no desenvolvemento dos puntos propostos para o traballo.

- Utilización dos enlaces propostos

- Nivel de síntese e asimilación da información obtida

- Presentación en clase ( dominio do que se está falando, coordinación cos compañeiros, calidade do material de apoio usado na exposición)

BOA SORTE!

CONCLUSIÓN

Unha vez finalizado os traballos e expostos en clase abrirase  un debate entre todos. A mesa redonda tratará sobre as dificultades atopadas na elaboración dos traballos e como se resolveu. Así mesmo abrirase un debate sobre as enerxías renovables.

Esperemos que este traballo sirva para  coñecer as enerxías  renovables e ter un criterio máis documentado sobre elas

A ENERXÍA SOLAR TÉRMICA

Introdución:

A enerxía solar térmica ou enerxía termosolar consiste no aproveitamento da enerxía do Sol para producir calor que pode aproveitarse para cociñar alimentos ou para a produción de auga quente destinada ao consumo de auga doméstica, xa sexa auga quente sanitaria, calefacción, ou para produción de enerxía mecánica e, a partir dela, de enerxía eléctrica. Adicionalmente pode empregarse para alimentar unha máquina de refrixeración por absorción, que emprega calor en lugar de electricidade para producir frío co que se pode acondicionar o aire dos locais.

É unha das enerxías renovables do futuro e por iso debemos coñecer o seu funcionamento e elementos necesarios ao máximo.

Debes responder por escrito a estas preguntas:

1. En que consiste a enerxía solar térmica?

2. Cal é a diferenza coa solar fotovoltáica?

3. Que elementos son necesarios para o seu funcionamento.

4. Describe cada un dos elementos da instalación.

5. Como farías unha instalación dunha vivenda no campo? Con que elementos.

6. Tipos de instalacións de enerxía solar térmica nun edificio de vivendas.

Busca información na seguinte orde, aínda que podes facelo á túa maneira:

1. Que é a enerxía solar térmica.

2. Os materiais e elementos electromecánicos que conforman unha instalación simple.

3. Como é cada elemento. Material, localización na instalación, tipoloxías, funcionamento, para que serve, etc.

4. Tipos de instalacións segundo o tipo de vivenda ou local ao que se usa, segundo o número de persoas que a usen.

5. A medida que busques, crea o documento de word e vas engadindo a información no seu lugar.

Enlaces 1:

Enerxía solar

Enerxía solar térmica

Enlace 2: 

Web solar

Enlace 3: 

IDAE

Enlace 4: 

Distribuidor de material

Enlace 5: 

Distribuidor de material

Enlace 6: 

Fabricante Junkers

Enlace 7:

Novas de ecoloxía, enerxías,...

Puntuarase o traballo tendo en conta o seguinte:

1. Faltas de ortografía.

2. A información aparecerá coas vosas palabras, non con copia e pega.

3. A riqueza no documento (imagenes, ligazóns a webs) a parte do texto.

4. A claridade da información.

5. Que a información que se dá corresponda co preguntado.

Funcionamento de tres bombas de calor
Bomba de calor
Bomba de calor reversible
Refrixeración pasiva